Kabhi satrangi phul hun main...
kabhi dhup kabhi dhool hun main...
kabhi kisi k liye behad zaruri...
aur kabhi behad fizool hun main....

ehsaas ke samunder ki to sirf ek boond hoon main.....
apne andar ke hulchul ko chupane ki koshish me lagi ek dhundh hoon main.....
anjaan maujon me uljhi koi kashti hoon main.....
dil ke machalne par aankhon se bahar aane wali masti hoon main.....
khud se kiya koi adhura sawal hoon main....
jaankar bhi aanjaan lagta koi khayal hoon main....
dil ki deewaron me kaid koi cheekh hoon main....
bharose ki dagar par sabse pehli seekh hoon main....
band hatheli ki takatwar mutthhi hoon main.....
sulajhne ko jo taiyyar nahi aisi koi gutthhi hoon main....
jiski koi khwahish nahi aisi koi aarzoo hoon main....
adhkhile phoolon ke armano ki khushboo hoon main....
nazdeekiyon se koi anjaana sa darr hoon main....
nasamajh dil ko rok na paye wahi bachpan ki umar hoon main.....